नवी मुंबई : संचारबंदीचे उल्लंघन करून बेलापूर येथील पारसिक हिल टेकडीवर "मॉर्निंग वॉक' करणाऱ्या भाजपच्या नगरसेवकासह 17 नागरिकांना सीबीडी पोलिसांनी ताब्यात घेतले. त्यांच्याविरोधात गुन्हाही दाखल केला आहे.
कोरोनाचा संसर्ग रोखण्यासाठी नवी मुंबईतील अनेक भाग सील करण्यात आले आहेत. पोलिसांनी नागरिकांवरील निर्बंध अधिक कडक केले आहेत. त्यानंतरही काही जण नियमांचे उल्लंघन करत आहेत.
सीबीडी पोलिसांना शनिवारी सकाळी अशाचप्रकारे कायदा धाब्यावर बसवून नेरूळ भागातील 17 जण पारसिक हिल टेकडीवर मॉर्निंग वॉकसाठी गेल्याची माहिती मिळाली होती. त्यानंतर पोलिसांनी घटनास्थळी धाव घेऊन भाजपचे नगरसेवक, पालिकेतील सभागृह नेते रवींद्र इथापे यांच्यासह मॉर्निंग वॉक करणाऱ्यांना ताब्यात घेतले. त्यांच्यावर साथीचे रोग अधिनियम अंतर्गत गुन्हा दाखल करण्यात आल्याची माहिती सीबीडी पोलिस ठाण्याचे वरिष्ठ पोलिस निरीक्षक दिनकर मोहिते यांनी दिली. लॉकडाऊननंतर त्यांना न्यायालयात हजर करण्यात येणार असल्याचेही मोहिते यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.